باستخدامك للتطبيق أو بطلبك أي منتج، فأنت بتوافق تلقائي على الشروط دي:
أولاً: الشروط العامة
لازم البيانات اللي بتدخلها في التطبيق تكون صحيحة (الاسم، العنوان، التليفون).
الدفع بيكون كاش عند الاستلام أو بأي وسيلة دفع إلكتروني متاحة.
الأسعار والعروض ممكن تتغير من غير إخطار مسبق، بس الطلب اللي اتأكد خلاص بيتحسب بالسعر وقت التسجيل.
التوصيل متاح في المناطق اللي بيحددها التطبيق، وبيكون في المواعيد المتفق عليها.
في حالة تأخير التوصيل بسبب زحمة أو ظروف خارجة عن إرادتنا، مش هنكون مسؤولين عن التأخير.
ثانياً: سياسة الاسترجاع والاستبدال
أي منتج تقدر ترجعه أو تبدله خلال 14 يوم من الاستلام، بشرط يكون بحالته الأصلية ومع الفاتورة.
المنتجات الفريش (خضار، فواكه، لحوم، دواجن… إلخ) لازم يتبلغ عنها خلال 24 ساعة بس من الاستلام لو فيها مشكلة.
المنتجات اللي اتفتحت أو اتغيرت حالتها الأصلية مش بيقبل استرجاعها إلا لو فيها عيب واضح.
في حالة الاسترجاع، الفلوس بترجع بنفس وسيلة الدفع اللي استخدمتها أو رصيد في المحفظة داخل التطبيق حسب اختيارك.
يتم نعدل على الشروط والسياسات في أي وقت، وأي تحديث هتلاقيه موجود في التطبيق.